Фотогалерея(3)
У 2017 годзе РДУП «Рачное параходства» ажыццявіла ўнікальную ў сваім родзе перавозку водным транспартам па рацэ Сож двух металічных пралётных канструкцый (ферм) для будаўніцтва моста з г. Крычава ў г. Слаўгарад.
Для ажыццяўлення перавозкі ферм выкарыстоўваліся пяць буксірных цеплаходаў і дзве спецыяльна пераабсталяваныя несамаходныя баржы-пляцоўкі. Адлегласць перавозкі па водным шляху склала 122 км.
Па шляху руху складу знаходзіўся не толькі аўтамабільны мост у г. Чэрыкаве, але і 9 паветраных калідораў з размешчанымі на іх 13-цю паветранымі лініямі, частка з якіх з прычыны значных габарытаў ферм была часова дэмантавана, частка прыпаднята вышкамі. Чэрыкаўскі аўтамабільны мост быў пройдзены з мінімальным запасам па вышыні ад перавозімых канструкцый, што выклікала захопленую рэакцыю мясцовых жыхароў.
Габарыты перавезеных ферм
Не могуць не ўразіць і габарыты перавезеных ферм (даўжыня, вышыня і шырыня кожнай з іх складала 84, 14,2 і 8,8 метра адпаведна) і іх вага (235 тон кожная).
Ажыццяўленне такой перавозкі буйнагабарытнага і цяжкаважнага абсталявання водным транспартам стала магчымым толькі дзякуючы згуртаванай працы калектыву РДУП «Рачное параходства» (на той момант РДУП «Беларускае рачное параходства») і перш за ўсё Экіпажаў суднаў і Суднаводзіцеляў.
